បន្ទាប់ពីញាំញីដោយសាររបួសច្រើនលើកនៅពហុកីឡាដ្ឋាន Bernabeu កីឡាករ Gareth Bale អាចនឹងវិលត្រឡប់ទៅក្លឹបចាស់ Spurs វិញ

ខ្សែបម្រើប្រយុទ្ធ Gareth Bale អាចនឹង​វិលត្រឡប់​មក​កាន់​ក្លឹប​ចាស់ Tottenham Hotspurs វិញស្របពេលដែល​ក្លឹប Real Madrid គ្រោងនឹង​លក់​កីឡាករ​រូបនេះចេញ។ ក្លឹប​ Real Madrid ​កាន់តែខកចិត្ត​ខ្លាំង​ឡើង​ចំពោះ​បញ្ហា​របួសគ្មានទីបញ្ចប់​របស់​ Bale ហើយបាន​ធ្វើ​ឲ្យ​ពួកគេ​ត្រៀម​លក់​កីឡាករ​រូបនេះនៅ​រដូវក្តៅ​ឆ្នាំ​ក្រោយ។ កីឡាករ​សញ្ជាតិវ៉េលរូបនេះ​​បច្ចុប្បន្ន​មិនបាន​ប្រកួត​ទេ ដោយសារបញ្ហា​សាច់​ដុំ​កំភួន​ជើង ហើយនេះគឺជារបួស​លើកទី​៩​ហើយ​ចាប់តាំងពី​​ Bale ផ្ទេរ​មក​កាន់​ពហុកីឡាដ្ឋាន Bernabeu កាលពីឆ្នាំ​២០១៣។ បញ្ហារបួស​ថ្មីៗ​នេះ​បាន​ធ្វើ​ឲ្យ​កីឡាករ​រូបនេះ​ខកខាន​ការ​ប្រកួត​ជម្រុះ​វើល ខាប់​របស់​ក្រុម​វ៉េល​សម្រាប់ជំនួប​ជាមួយ​ក្រុម​សាធារណរដ្ឋអៀរឡង់​និងការប្រ កួត​ជាមួយក្រុម​ Spurs នៅ​ពហុកីឡាដ្ឋាន Bernabeu កាលពីថ្ងៃអង្គារផងដែរ ។ ​ វាអាចជាការវិលត្រឡប់​ទៅក្លឹបនៅភាគខាងជើងទីក្រុងឡុងដ៍ ដែល​ស័ក្តិ​សម​បំផុត​សម្រាប់​កីឡាករ​វ័យ​២៨​ឆ្នាំ​រូបនេះ ប្រសិនបើ​កីឡាករ​រូបនេះ​ពិតជា​ក្លាយជា​កីឡាករ​លើសសេចក្តីត្រូវការ​របស់​លោក Zinedine Zidanze នៅរដូវក្តៅ នេះមែន៕