Slaven Bilic កំពុងស្ថិតក្រោមសម្ពាធនឹងសប្តាហ៍ដ៏លំបាក

លោក Slaven Bilic មានអារម្មណ៍ខកចិត្តបន្ទាប់ពីក្រុម West Ham ប្រកួត ចាញ់ក្រុមឡើងមកថ្មី Brighton ដែកធ្វើឲ្យក្រុមអ្នកគាំទ្រនិងក្លឹបចាប់ផ្តើម​ព្រួយ​បារម្ភ

ហើយលោកក៏កំពុងតែប្រឹងប្រែងសង្គ្រោះការងាររបស់លោកផងដែរខណ:​ដែលលោក​កំពុង​ស្ថិត​ក្រោមសម្ពាធយ៉ាងធ្ងន់ធ្ងរ។ ទោះបីជាការចាប់ផ្តើមរដូវកាលមិនបានល្អក៏ដោយ ប៉ុន្តែ​ថ្នាក់ដឹកនាំ​របស់​ក្លឹប West Ham មិនចង់បណ្តេញលោក Bilic ចេញទេ ហើយចង់ឲ្យលោកដឹកនាំ បន្តរហូតដល់ចប់រដូវកាលនេះ ។ ពួកគេជឿថា លោក Bilic អាចធ្វើការងារបានល្អហើយឆ្លងផុតពីវិបត្តិនេះ។ នៅពេលនេះក្រុម West Ham ត្រូវប្រឈមមុខជាមួយ​ក្រុម Crystal Palace នៅថ្ងៃ​សៅរ៍សប្តាហ៍ក្រោយ ហើយប្រសិន​បើជួបបរាជ័យមួយ​លើកទៀតនោះការងារ​របស់លោក Bilic នឹងស្ថិតក្នុងគ្រោះថ្នាក់។ ក្លឹប West Ham មិនទាន់ស្វែងរកអ្នកស្នងតំណែងគ្រូបង្វឹក Bilic នៅឡើយ ទេ ប៉ុន្តែលោក Roberto Mancini គឺជាជម្រើសដែលពួកគេពេញចិត្តកាលពីរដូវ កាលមុន ហើយគេជឿថា លោក Mancini ក៏ចង់វិលត្រឡប់មកកាន់ក្របខណ្ឌ PL វិញផងដែរ៕