Real Madrid រដូវកាលនេះប្លែកខុសធម្មតា! ខ្សែបម្រើ ស៊ុតចូលបានច្រើនជាង ខ្សែប្រយុទ្ធ ខណៈ Ronaldo...

បើសរុបគ្រាប់បាល់របស់ Real Madrid គិតត្រឹមសប្តាហ៍ទី៩នេះ មានចំនួន១៨គ្រាប់ ដោយខ្សែបម្រើស៊ុតបានចំនួន៩គ្រាប់ ចំនែកខ្សែប្រយុទ្ធទើបតែបាន៦គ្រាប់ប៉ុណ្ណោះ ស្របពេល Bale កំពុងមានបញ្ហារបួស។ រីឯ៣គ្រាប់ទៀត ធ្វើដោយខ្សែការពារមួយគ្រាប់ និងគូប្រកួតស៊ុតចូលទីខ្លួនឯង២គ្រាប់។

ជាក់ស្តែង កាលពីយប់មិញនេះ Real Madrid បានទទួលជ័យជំនះក្នុងកីឡដ្ឋានរបស់ខ្លួន ទៅលើក្រុម Eibar ក្នុងលទ្ធផល ៣-០ ដែលជាការស៊ុតបញ្ចូលទីដោយកីឡាករ Marcelo, Asensio និងគ្រាប់បាល់ចូលទីខ្លួនឯង របស់កីឡាករ Paulo Oliveira ធ្វើឲ្យ Real ឡើងមកចំណាត់ថ្នាក់ទី៣ នៃតារាងវិញ តាមពីក្រោយក្រុម Valencia និងក្រុមកំពូលតារាង Barcelona ៕