Kane ស៊ុត២គ្រាប់ ជួយ Spur លត់ Liverpool ៤-១ ខណៈ Arsenal ទៅលត់ Everton ដល់ផ្ទះ ៥-២ (មានវីដេអូ)

បើកឆាកត្រឹម៤នាទីក្នុងតង់ទី១ ខែ្សប្រយុទ្ធឡើងជើងខ្លាំង Harry Kane ស៊ុតឲ្យក្រុមម្ចាស់ផ្ទះនាំមុខមុន ក្រោយរំលងបានត្រឹម៨នាទី ពោលគឺនាទី១២ ខែ្សប្រយុទ្ធជម្រើសជាតិកួរ៉េខាងត្បូង Heung-Min Son ស៊ុតគ្រាប់បាល់ទី២។ យ៉ាងណាក៏ដោយ Liverpool អាចតាមពីក្រោយបានមួយគ្រាប់វិញ ដោយខែ្សប្រយុទ្ធស្លាប Mohamed Salah ក្នុងនាទី២៤។ មុនចប់ការប្រកួតតង់ទី១ Kane បញ្ចូនបាល់យ៉ាងស្អាត ឲ្យខែ្សបម្រើ Dele Alli ស៊ុតគ្រាប់បាល់ទីបី ចំនែកតង់ទី២ Kane ដដែល អាចរកគ្រាប់បាល់ទីបួន និងជាគ្រាប់បាល់ទីពីរ របស់ខ្លួនក្នុងការប្រកួតនេះ។ ចប់ការប្រកួត Spur យកជ័យជម្នះលើក្រុម Liverpool ក្នុងលទ្ធផល ៤-១។

៥គ្រាប់របស់ក្រុមដែលដឹកនាំដោយលោក Wenger រកបានដោយ Nacho Monreal នាទី៤០, Ozil នាទី៥៣, Lacazette នាទី៧៤, Ramsey នាទី៩០+ និង Sanchez នាទី៩០+ ចំណែកគ្រាប់បាល់ពីរគ្រាប់របស់ Everton វិញ រកបានដោយ Wayne Rooney នាទី១២ និង Niasse នាទី៩០+។ ចប់ការប្រកួត Arsenal យកឈ្នះ Everton ដល់ផ្ទះ ៥-២។